Karin Burger, Kaap-Rapport, Cape Town, SA, 27.11.2005: "Ike Moriz is terug om te bly" (Afrikaans language)

-

Karin Burger, Kaap-Rapport, Cape Town, SA, 27.11.2005: "Ike Moriz is terug  om te bly" (Afrikaans language)

KARIN BURGER, Kaapstad

"Ek het Kaapstad te veel gemis - ek is nou terug om te bly." Sô gesels die rockmusikant Ike Moriz nadat hy die afgelope vyf en 'n half jaar Londen sy tuiste gemaak het. Hy het in Maart vanjaar Suid-Afrika besoek en net daar besluit hy wil terugkom. Ike is terug Engeland toe, waar hy sy woonstel, motor en ander besittings verkoop het, en op 1 Mei was hy terug in sy geboorteland met net twee tasse. 

Sy nuwe CD Play me, is onlangs in Kaapstad bekend gestel en tot die einde van die jaar wil hy op Kaapse gehore fokus. "Vroeg volgende jaar sal ek ook 'n CD-bekendstelling in Johannesburg doen, maar vir nou geniet die Moederstad en sy mense voorkeur."

Ike sê hy wil ook volgende jaar die pad vat en al die musiekfeeste bywoon. Die musikant is geen onbekende in die internasionale musiekarena nie. Vorige enkelsnitte wat wêreld wyd die toptrefferlyste gehaal het, sluit in "Fall into the sun" en "You could”.

Nie net was die twee liedjies plaaslike treffers nie, maar dit het ook met top-posisies gespog op Matchbox Radio 24 Chart en Halo Radio in Nederland. Boonop het musieklegende David Bowie "You could" as sy "Liedjie van die week" in 2004 benoem. 

Ike se liedjies word wêreldwyd op meer as 100 radiostasies in nie minder nie as 17 lande gespeel. Sy nuwe album, wat in Londen opgeneem is, kry ook lofsange van mede-kunstenaars. "Dié album was beslis die wag werd en bied die luisteraar ’  dekadente, emosionele, dramatiese en amper teatrale wêreld - alles in een," sê Dale Olivier van Matchbox 24. 

Ike sê hy besef hy sal weer moet teruggaan Londen toe, want hy het al 'n goeie verstandhouding met kunstenaars daar opgebou en sal hulle weer wil gebruik met die vervaardiging van sy volgende album. Ná 'n afwesigheid van amper ses jaar aan die plaaslike musiekfront is hy baie opgewonde oor nuwe groepe wat die laaste tyd verrys het. "Ek word steeds aangenaam verras as ek die radio aanskakel en elke keer nuwe musiekgroepe hoor. "Toe ek die land verlaat het, was die plaaslike musiek nie op peil met die res van die wêreld nie, maar nou kan ons enige dag meeding met die internasionale mark." Hy sê ook die kompetisie onder plaaslike kunstenaars is nou so sterk dat niemand meer swak musiek kan maak en dan daarmee kan wegkom nie. Just Jinger bly een van sy gunstelinge. Ike is nie net sanger nie, maar het ook al sy lyf akteur gehou in rolprente - as ’n kroegman in Alfie, 'n pianis in Bridget Jones: The edge of reason en 'n joernalis in Love Actually.

Karin Burger Kaap-Rapport Cape Town South Africa 27 November 2005 Ike Moriz is terug om te bly

TERUG IN DIE SON: Ike Moriz sê hy het Suid-Afrika te veel gemis en het nou Seepunt sy huis gemaak. Foto: NASIEF MANIE

Location: Cape Town, South Africa

Comments

Post a Comment

Popular posts from this blog

Paarl post, Netwerk 24, Arts & Entertainment, 04.12.20, “Sanger sing onder sterre”

-
Image
  Paarl post , Netwerk 24,  Arts & Entertainment, 04.12.20, “Sanger sing onder sterre ” In Afrikaans: -  04 Desember 2020 -  Die internasionale sanger Ike Moriz, bekend vir sy vermoë om moeiteloos tussen musikale genres te wissel, tree op 12 Desember om 19:30 in die Grande Rocheamfiteater in die Paarl op. Ike, wat die afgelope vyf jaar as een van die topvyf sangers in Suid-Afrika aangewys is, is plaaslik sowel as in die buiteland bekend. Hy het al in 20 lande getoer, mees onlangs in Duitsland met sy uitverkoopte Millennium Hits Tour 2019. Die sanger en akteur sal begelei word deur die bekende Ike Moriz Swing Band, en vir die eerste keer sal hulle saam met die leerders van die Hoër Meisieskool Paarl optree, gelei deur die tjellis en hoof van kunste, Anjulie Nock. Die Ike Moriz Swing Band bestaan uit van die mees bekwame musikante in Suid-Afrika: Willie van Zyl op saksofoon en klarinet, Andrew Ford op klavier, Wesley Rustin op kontrabas en Ivan Bell op tromme. Hull...
Read more

The Sentinel News, Hout Bay, "Chappies thumbs up helps singer rock on”, by Karen Watkins, 04.08.2023

-
Image
After his Dragons album tour last year, Hout Bay singer Eike “Ike” Moriz is on the road again, performing at concerts in Hamburg, Germany this month. The singer, songwriter, producer has lived in Hout Bay since 2007 when he moved from Johannesburg. Besides his concerts and album releases, the 51-year-old offers guitar, piano and singing lessons as well as studio recordings and productions. Growing up near Hamburg, Germany, there was always music in the family home. Ike’s parents, Kai and Waltraud Moriz, were jewellers, but his mother played piano, sang and composed songs for friends and family. His grandmother was a concert pianist and his grandfather was an opera singer, among other professions. Early in life, Ike started playing the piano and joined in the singing or made up his own songs. Even after studying music and doing music degrees in Dresden, Rotterdam and Cape Town, his routine has not changed, except that now his two children are playing and singing along too. Ike ...
Read more

Die Burger, page 12, Thursday, 10.12.2020: "Ike Moriz sing treffers in die Paarl” ("Ike Moriz sings hits in Paarl”)

-
Image
Die Burger, page 12, Thursday, 10.12.2020:  "Ike Moriz sing treffers in die Paarl” ("Ike Moriz sings hits in Paarl”) ( In Afrikaans ): "Ike Moriz sing treffers in die Paarl” Die sanger Ike Moriz tree op 12 Desember by die Grande Roche amfiteater in die Paarl op. Hy tree op saam met die koor van die Hoër Meisieskool Paarl.  Moriz, wat die afgelope vyf jaar as een van die topvyf-sangers in Suid-Afrika aangewys is, is plaaslik sowel as in die buiteland bekend.  Hy het in 20 lande getoer, mees onlangs in Duitsland met sy uitverkoopte vertoning Millennium Hits Tour 2019. Hy word Saterdagaand begelei deur die Ike Moriz Swing Band. Op die program is gewilde liedjies uit die swing- en pop genres. Dit sluit in treffers soos Dean Martin se “Sway”, John Lennon se "Imagine”, Frank Sinatra se “New York, New York” en Moriz se “Love Swings" en “To Cape Town”. Die Suid-Afrikaanse sjef Niel van Zyl se fynproewerskos sowel as plaaslike wyne van die Under Oaks-landgoed kan vooraf...
Read more